社會責任

作為一個對所有會員負責任,同對整體公共衛生負責任嘅一個主持人,SBC自一月中已即時停止晒一切活動,直到五月底疫情緩和咗好一段日子,我哋六月初先嚴陣以待咁嘗試重新開始人數較少嘅活動。正當以為一切終於慢慢重回正軌,政府又放寬幾十個免檢疫群組入香港播毒,七月初又出事!令我哋啱啱重開嘅活動又再次暫停落嚟,到今日都未有人可以見到曙光。

我明白好多會員都好痛苦,加加埋埋停咗成半年有多嘅時間,不過我依然認為暫停所以活動係最正確嘅做法。

一來為咗保障會員健康著想,二來唔想有朝一日響報紙見到有sex party群組確診,三來我都希望見到香港可以好快recover返。大家盡可能出多一分力,正所謂,玩少一陣換嚟更長久嘅路。

忍多一陣啦大家!

唔好錯過「叔•叔」

今時今日好多人唔係睇電視盒就係Netflix,疫情半年嚟,好多大片都被迫改變上映日期。

好多人同我講,話港產片、劇情片個啲都唔駛去戲院睇啦,我曾經都咁覺得過,不過睇下同邊個去睇啦。有啲人鍾意自己一個人去睇戲,我應該唔屬於呢一類人。

一聽片名「叔•叔」,我就即時諗返起圓圓成日咁樣叫我,叫到老晒,所以我特別留意到呢套片。

男同嘅題材其實已經唔係新鮮事物,上咗年紀嘅男同係就係再specific啲,咁到底有咩令佢咁突出呢? 純粹玩Gimmick?

放響我面前有「金都」同「叔•叔」,到底睇邊套先好呢?最後我揀咗後者,因為我好好奇個導演會點樣處理呢一個咁偏咁冷門嘅題材。

結果係,呢幾十蚊簡直值回票價。

如果用「唯美」同「無奈」去形容呢套戲,唔知大家會唔會覺得我誇張咗。

我好欣賞導演處理成套戲嘅手法。有別於一般令人有stereotype嘅感覺。整套戲有好幾個位令我睇到拿住拿住。

中國人傳統對婚姻嘅觀念、對子女嘅愛同照顧、導演對現今男女嘅感慨(包括感情同人生規劃)、社會對非傳統關係嘅睇法同變化,最後係個人嘅愛與欲嘅處理。

人生於世,活係一個群體社會裡面,有好多嘢唔係話想點就點,因為只要一日生活係呢個群體裡面,就會被迫要去跟隨一個”norm”,從外面睇,少不免會覺得好戇居,但係當你置身其中,呢種“選擇”卻又無可奈何。呢個算係“成熟”嘅表現嗎?愛與欲以外,有更大嘅係責任,呢啲係咪就係犧牲小我,完成大我?

我下半世有著落啦喂!

早一兩個星期,有人同我講,叫我睇下有條友嘅片,我不以為已,因為咁啱我嗰個星期忙到甩碌。

忙完嗰個禮拜,人開始無聊,就去睇下咩料。哦,原來有條肥仔(或者肥佬),因為婚姻受咗啲打擊,於是發奮圖強,成功減肥,仲練成一身好武功嘅勵志故事。我最初無隻隻字咁睇,但大概都係個類故事情節啦 – 老公on柒柒性事不濟,老婆同老公同事攪上咗兼走佬,老公不堪打擊,結果離婚收場,老公發奮圖強,積極減肥,明知自己碌J唔夠人勁,醉心鑽研床技,然後“叮”一聲,個人突然開竅,打通任督二脈,成為潮吹高手(自稱個隻)

“Today, I’m considered one of the world’s leading authorities on female ejaculation.”

有自信係好,不過硬係覺得好似大陸某啲兜踎公司總裁,響公司貼晒同國家領導人、世界級富豪啲合照,然後覺得自己好威好勁咁,大家明係咩感覺啩?

我個人比較井底蛙,好想知World’s leading authorities on female ejaculation係邊啲機構。啦啦啦….我有問過Google神先㗎,不過佢彈咗 – 頭位一本書,第二Wikipedia,第三BBC網站 – 俾我。各位會員,幫下手解答我嘅疑難啦!

Anyway,咁人哋辭埋份高薪厚職,醉心鑽研幫女人放水,仲揼埋個online course教男人放水,兼夾做緊world tour,環遊世界去唔同地方誠邀各地方女仕一嚐佢嘅身手,而且仲灌輸一個好正嘅概念俾班床技不濟嘅男人去令身邊女仕貼貼服服,當你神咁拜。

“Intense Orgasms = Oxytocin = LOYALTY”

“Because imagine your girl’s eyes rolling back in her head as her body shakes and she let’s out a scream she’s never shared with anyone before…

And she’s lying with her head on your chest — her body still quivering — and she looks up at you with a tears of joy in her eyes…

THAT’S a girl who doesn’t cheat!”

真係唔睇唔知世事咁簡單,識放水就征服世界!哈哈哈哈哈

不過點都好,諗到下半生以教人放水,同埋環遊世界去造福俾未曾感受過潮吹嘅女仕,的確又幾好咁喎!

睇咗咁多,無奶油唔欣賞下呢位大師嘅精湛技術㗎嘛。於是乎我專登裝咗pornhub個app (啦啦啦,我真係為咗睇佢先裝pornhub㗎咋,嘿嘿嘿)

Search “hunk hands”…..再睇 – 第一條片fast forward,第二條片fast forward,第三條片fast forward。Hmm…..o…k…

我再睇四五六七八九十條片,得嘞。

如果佢都叫leading authority,咁SBC入面都應該有唔少世界級高手。

我大概可以總結,我唔教人放水真係好似好浪費上天俾我嘅天份。有朝一日我自己個行無得撈,SBC又唔再需要我,而又再無人愛我嘅時候,我都可以考慮establish as one of the world’s leading authorities on female ejaculation!

(僅供娛樂,切勿模仿,最緊要睇完咪笑太大聲嚇親人!??)

當疫症也敗給了我的…

「借夜闌靜處 獨看天涯星
每夜繁星不變 每夜長照耀

但願人沒變 願似星長久
每夜如星閃照 每夜常在」

一直無好好細閱品嚐唐書琛的詞,只留意到盧冠廷悅耳的曲。又一個疫情中的漆黑夜裡,這雙戀人突然在我腦海中飄過,發現他們雙劍合璧的威力,他們過往的歌曲主調,都離不開「情」— 情如何不變,如何忠貞,如何直率。

有讀寫障礙的他,卻巧妙遇上會寫得一手好詞的她,本身已經是好令人羨慕的一對。

能用文字或者語言表達愛,看似簡單不過,但實踐上來卻並非易事。不能夠用「高等文化」去表達愛,只有用「原始」的去愛愛。

對一個人的愛,捉摸不到,卻能夠實在的存活在腦海;常想著的,盡是正面的,越能正面就越能包容不完美;那麼,盡是負面的,又代表著什麼?

一向喜歡文字交流,卻發現自己文化的不足。文字可帶來歡愉,更能充滿誤解。所謂水能載舟亦能覆舟。對文字的表達,確實既愛且恨。一腦子盛滿了想法,卻無法好好整理,當下疫情兇猛,將很多人的生活給搗亂了,但都不比鬱悶可怕。

文字以外,有否更低等一點的取代?心靈感應?

或者….天亮了,是時間睡一覺。

疫情下的小玩意 Naughty gizmo under the pandemic

「沒有最白痴,只有更白痴」嘅林鄭政府,由提出令人貽笑大方嘅禁酒令俾人鬧爆之後,終於慢咗一百拍嘅情況底下,出咗啲唔知佢點實際執行,用嚟減低民間聚眾嘅特別法例。

唔知點解,佢推親出嚟嘅法例總係俾人感覺唔湯唔水,佢班所謂智囊,離地不特止,到底係咪搵個屎忽諗嘢㗎?家居隔離其實已經唔湯唔水,叫啲人自律唔好周圍走,叫人戴條手帶以為好醒,結果俾人剪手帶、又去行街、食嘢,乜都有齊。收集口水樣本又係要求自律,派六千幾個樽收得返四千幾。

另外政府庫房有咁多錢,嚟到咁嚴重嘅社會災難都唔善用嚟救民生救企業,寧願叫啲餐飲業坐一半人,點解唔直接了當好似英國咁,立令酒吧、餐飲業、娛樂地所停止營業兩至三星期,或者只准外賣,然後subsidize返某個百分比嘅人工開支俾受影響企業,設個上限,救企業救失業率都好丫。但個政府寧願俾幾百億嘅大白象超支、幾十億警察嘅新震壓武器同裝備,都唔用嚟做啲真正直接幫到社會大眾嘅正事,唉~~~

今時今日鬧政府雖然變成日常,但係生活都要繼續。我哋創會十二年嚟,都未試過兩個幾月都無攪一次活動嘅。暫停大型活動係一個社會責任,但係點解決大家嘅性需要呢?

呢隻Magic Motion出嘅第二代遙控震蛋,都可以…或者…勉強…俾大家遙距玩一下!「喂Dr.,淨係得女仔玩,咁男仔呢?」

定啲嚟,介紹呢隻叫SayberX嘅遙控飛機杯俾大家啦,一樣用手機app嚟遙控。我知我知,呢個完全係兩回事,不過依家除咗可以搵呢啲嚟頂下癮之外,仲可以點丫?搵命搏咩?我哋純粹玩咋喎,又唔係做生意,無必要不顧責任、不顧會員安全咁去攪活動丫嘛?

利申:我或者SBC都無收廣告費㗎!?

更新真係好痛苦㗎 Updating is indeed a torture

間唔中都會遇到有啲人加我telegram或者wechat,第一句就問:「你哋仲有運作㗎呵?」

講真,我哋會網又真係更新得唔多嘅,皆因我哋主要係用手機app平台多啲。今時今日,我哋個會網只係淪為新人想入會嘅資訊平台。日常會員傾偈交流,都會去晒我哋自己個手機app平台。所以更新會網純粹只係唔想個會網變咗殭屍網站,哈哈哈哈哈。

至於話要專登出啲相或者出啲文去介紹SBC,真係唔係好有動力。我哋都成立咗成十一年,要寫嘅都寫過晒,太流水帳嘅嘢又唔覺得有乜好寫。

尤其呢大半年香港都未平靜過,正所謂一波未平一波又起,講太多政治嘢又好似唔太適合,講曳曳嘢咩…well,可能我講得太多,有啲悶。至於相,我哋不嬲都唔係主打呢樣嘢,加上好多私隱嘢要照顧,又要注意法律責任。想睇會員自拍嘅話,做咗會員咪有得睇囉!

最近疫情仲未完全緩減落嚟,個個都驚,尤其是越嚟越多集體感染都係因為聚會出事,作為負責任嘅主持人,為免大家冒不必要嘅風險而攪出個大頭佛,sex party當然要暫停一下啦。

不過有興趣加入我哋大家庭嘅你,不妨親呢段“休閒期”去會網細閱一下「加入我們」嘅資訊,有問題可以加我telegram: dr_sbc

幻彩fing鎯鎯

呢排認真攪party嘅心情都無埋,屈埋屈埋,唯有去尖沙咀散下步,欣賞下幻彩fing鎯鎯!

香港人真係好有藝術天份!

By the way, 男會員們出街搵大力膠布黐實自己碌嘢,女會員用紗布扎實對愛美神飛彈,否則隨時告你藏有攻擊性武器!

Telegram IN, WeChat OUT.

有見及Telegram於個人私隱上比Whatsapp, Line同WeChat都更優勝,所以SBC打算將official messaging platform轉為使用Telegram instead of WeChat.

由即日起,SBC將會test run Telegram一個月,此期間,請各會員下載並安裝Telegram,然後從Telegram加我,username如下:

Telegram ID: dr_sbc

發信息俾我時請自動報上名來,否則我唔會知你係邊個。

此段test run期間,我會WeChat同Telegram都用。Test run後,我會再出一次通告,咁WeChat就會正式「壽終正寢」。

如有任何私隱問題,請WeChat或Telegram留言俾我。

Make Love, Not War

整個六月都被政治事件所籠罩住,莫講話攪party,其實連性慾都有影響。嚟到七月,事情發展更加慘不忍睹,社會嘅撕裂同分化到底可以由邊個去化解?當權嘅自從雨傘後,一次又一次錯過咗修補嘅契機。

SBC並唔係一個講政治嘅群組,但當政治影響到社會每一個角落,我哋都唔能夠視若無睹。好多朋友見我哋好少更新會網資訊,唔係代表我哋無運作,只係時間花咗響社會問題上,請見諒。

「Make love, not war. 」

我真係希望係咁樣,而唔係有你無我呢種互相撕殺。有興趣加入我哋大家庭嘅你,去會網細閱一下「加入我們」的文章,有問題可以加我telegram: dr_sbc