Swinger Bliss Club 只此一家,絕無分會

Swinger Bliss Club Hong Kong (簡稱SBC或SBCHK) 只此一家,從來沒有分會。就最近有被踢出會嘅ex-會員未經本會同意而盜用本會Logo與及名稱嘅組織,本會對此感到驚訝同驚喜;驚訝在於世上竟有如此無恥之徒,未經本會同意下盜取他人branding & logo,點解唔好好創立自己品牌?驚喜在於竟然有人會花大量人力物力時間抄走本會會規、文章,同海量嘅動後感當作自己資產。原來呢啲係咁值錢嘅嘢,真係有啲受寵若驚。

正所謂天下文章一大抄,講真,抄真係無問題,放得上網,預咗俾人抄,有人抄可以講得上係一種光榮添。不過抄還抄,連人哋Logo同名稱都抄就確實過份,因為當中牽涉假冒成份,如果日後有任何人因此而被騙財騙色、出現爭拗或惹上官非,咁就唔係一件小事。

因此,本會有需要再次發聲明:Swinger Bliss Club (域名 sbchk.com) 一直係由曹長於2008年成立與擁有,期間主持人Dr.被邀請自2011年6月1號接管;第三任主持人Kush自2021年1月1 號獲接任,可惜接任半年期間因多次管理分歧未能解決,令SBC風險提高,因而被免去主持人職位。

Swinger Bliss Club從無受權其他人使用其Logo及branding,因此所有以「Swinger Bliss Club Hong Kong」, 「Swinger Bliss Club」, 「SBC」, 「SBCHK」等聲稱為本會嘅一切組織,均為假冒。對此類組織所衍生出嚟嘅金錢交易、活動與及法律責任,一律與本會無關。

Swinger Bliss Club 在香港只此一家,絕無分會。官方會網為 sbchk.com ,從無停止運作。

謹此聲明。

重要宣佈及聲明

經過半年嘅觀察,有見對於新主持人Kush同我就交接前有關會嘅管理所講好嘅承諾出現嚴重分歧,為咗避免不可預視嘅風險,由7月17日開始,Kush已被解除SBC主持人職務。一切以SBC名義舉辦嘅活動都將會取消,直至另行通知。若有人未得本會同意,以SBC、SBCHK或Swinger Bliss Club名義舉辦任何活動,均與本會無關,本會恕不負責,謹此聲明。

就此次決定影響會員活動深感抱歉。

會嘅存在無疑係希望建立一個大家可以無拘無束咁享受性愛歡愉嘅環境,但係除咗玩同識得舉辦活動,背後亦有需要顧及嘅責任。會,某層面上的確係屬於大家,但法律責任唔係,所以先唔講大家對承諾嘅演繹有所不同,當管理上亦出現分歧,創始人曹長同我將難以預測未來嘅風險,為此,本人誠意要求Kush另建新會,咁樣大家就唔需要就管理上嘅分歧爭辯,奈何兩個管理層之間嘅事情竟然發展到加入其他會員,除咗感到驚訝,剩下嘅只有失望。

對於新加入嘅會員,為你哋帶來不便,深感抱歉。你哋嘅會員資料將繼續由Kush處理,若想留低,必須重新交表,亦歡迎繼續跟隨Kush去開拓新天地。

對於舊會員,除咗抱歉,都係抱歉。當然,世界上無永遠嘅對或錯,我亦唔想大家靠邊站,因為一開始我都無打算要牽涉管理層以外嘅會員,希望你哋唔好覺得為難,永遠只有適合你玩,同唔適合自己嘅後樂園。拋低你哋我都唔想,但人生每個階段總係有起有跌有唔同嘅想法。現階段,主持人職位將會懸空,再作安排。

最後,雖則大家就管理上有嚴重分歧,Kush本身的確係一位好勤力,好熱心嘅主持人,希望Kush能完全跟隨自己意願創建有佢管理風格嘅新天地。

SBC mobile app (iOS version) 更新中

由於唔上Apple Store關係,iOS版SBC app需要每90日更新一次以維持響Testflight狀態(即係維持長期測試狀態)。新年期間工程人員忙於享受新春假期,忘記更新,所以用iPhone嘅會員會暫時用唔到手機app。Android版無呢樣麻煩嘢,所以可以如常運作。

用iPhone會員,可能要過一兩日,再重新於testflight更新SBC app,方可重新使用手機app。不便之處,敬請原諒。

如果係想入會嘅朋友仔,直接去Telegram搵主持人

Host TG: host_sbc

SBC有新一任主持啦!New Host for SBC!

無錯,你無睇錯,我期待咗好多年之後,2021年SBC終於有新嘅主持人啦!

我嘅卸任代表住第三代主持人將會帶來新嘅沖勁、新嘅動力同新嘅創意,唯獨一樣嘢唔會變嘅係SBC依然會保持住以純玩樂、非商業化,同埋為會員營造一個高私隱度同互相尊重嘅環境,俾享受性愛、對性有要求嘅大家繼續響一個安全無壓力嘅空間裡面去享受同探索自己。

我好高興過往十年可以帶領住SBC嘅每一位,度過咗二百幾三百個大大小小嘅活動,認識咗好多位特別嘅你你同你。對於相信有能者居之、相信傳承嘅我,對呢個後樂園仍然抱住好大嘅希望,大家一齊繼續維繫住呢個難得嘅空間。

2021年1月1日起,我Dr.將會轉任SBC嘅管理員admin,而新主持人將會交由參與sex party經驗豐富嘅Kush接任。

由2020年12月26日開始,SBC嘅聯絡方法會有所改變;

**************************************************
主持人Telegram account:host_sbc
主持人Email account: host_sbc@outlook.com
**************************************************

現有「活動會員」如希望繼續參與SBC活動,請加新嘅Telegram account,方便主持人聯絡有關活動事宜。

而想加入嘅大家,除咗上會網下載申請表外,都記得要加返host嘅Telegram account,交申請表亦記得發送到host嘅Email account。

我雖則卸任主持人,但我仍然會協助SBC背後運作直至另行通知。所有有關手機app相關問題,可直接搵我解決,如改名、重置密碼等等。

SBC 12周年的重要公告 - 《傳承的故事》

2008.12.05】 Swinger Bliss Club呢個後樂園由曹長成立。

2009.08】 某日,係一個極度無聊嘅情況底下,上Google搵下好多年前中環一間叫Fetish Fashion店舖嘅一個女老闆嘅近況,當時佢係通過間舖頭,聚集咗一班對swing party有興趣嘅professionals,呢個亦係我當時接觸嘅第一個swing party group。因為佢以商業手法去營運呢類活動,惹上官非,雖然最後無事,但自始佢就離開咗香港。

因為我當時諗唔起佢個舖頭名,咁我就響Google打”swing party hk”,result無出到我想搵嘅Fetish Fashion,而係出咗幾個香港嘅sex party group嘅results。 就係咁,我斷斷續續用咗大概三個月時候去流覽呢幾個網站。係,你無睇錯,我純粹因為好奇,斷斷續續留意咗呢幾個網站三個月。對於當時已經係身經百戰,逢局必到,但已經厭倦個種刻板應酬消遣嘅我,sex party的確吸引到我注意。

2009.11.04】 我響SBC登記成為壇上會員Seed。
有三個人嘅對話,吸引咗我嚟到SBC,其中一個人叫KKY – 一個我最初以為同YKK有關係嘅女仔 (係呀,YKK造拉鏈個間公司)。自始,我以Seed呢個身份出現係呢個後樂園嘅虛擬世界,即係舊會網個forum。

2009.11.11】 會員私竇區【Dr. One-Line Abalone’s Clinic】開張,開始咗我同大家文字交流嘅序幕。

登記個時,我以為login name同alias係分開嘅,點知原來login name就即係alias,所以 “Dr. Oneline Abalone 鮑一線博士“ 呢個原本我諗住用嘅alias就只可以通過會員私竇區同大家見面。

我同所有新人嘅經歷基本都一樣,雖然我身經百戰,蒲精托世,但去到一個新地方,一樣重頭再嚟過 – 搭訕、無人理、再搭訕、搵大家有興趣嘅話題、開始有交流、開始熟絡。

我亦的起心肝交申請表,然後無了期咁等…….

當時“診所”慢慢聚集咗一大班想同我一齊玩role play嘅傻佬同傻妹;咸濕俏秘書、陽具治療師、分心治療師、呻吟音樂治療師、什麼東東護士、各式各樣治療師等等,一大堆會員諗埋啲古靈精怪嘅職稱,希望加入鮑一線診所成為診所一員。

直至由舊forum轉新手機app平台為止,Clinic一共有1,389頁34,717個留言,成為舊forum第二多留言嘅地方。

2010.01.15】 Seed第一份嘅動後感《同HIV tester 的口交報告》。係呀,相隔咗好耐先第一次出席活動,我仲以為SBC嫌棄我添。又或者當時曹長諗:「反正個會要人,就俾呢條粉皮嚟夾下錢啦!」。至於事實係咪咁,將會永遠係個瞇!

我響SBC嘅參與,網上比實際活動多好多,同大家嘅“友情”,主要都係通過文字建立嘅,當然經過每一次活動嘅出席,呢份“友情”就再牢固多啲啦。

動後感係一個好好嘅途徑去加深會員間嘅“友情”。我慢慢將我以前同入SBC之前認識嘅另一班網友個種寫文章嘅手法同風格帶入咗SBC。一時間成為咗一種風氣,大家除咗會追文之外,仲會鬥快寫,鬥風格,好熱鬧,好開心,大家都將活動嘅歡樂同興奮延續到活動後嘅一大段時間。呢個亦都係我最鍾意嘅玩樂模式,因為除咗活動中肉體嘅滿足之外,活動後都仲可以延續精神上嘅滿足。

呢段期間,認識到一班同樣好玩得亦好寫得嘅會員,後樂園嘅環境係我心目中就形成咗。

2011.06.01】標誌住Swinger Bliss Club第一次轉換活動主持人嘅日子。第一次聽到曹長要放手,除咗可惜,就只有可惜,隨之而想到嘅就係呢個後樂園點算?

唔知咩原因,抑或機緣巧合,出於想保留呢個後樂園,我最後答應咗接手繼承曹長嘅衣缽。的確,對於SBC呢個後樂園,我係有一份愛惜,我相信係因為呢度嘅人同概念。

轉個眼,SBC隨住我想要嘅理念同環境發展,主持人呢個崗位我已經去到第十個年頭嘅一半。時間原來真係可以過得咁快。

我由一個滿腔熱血,連攪主題活動都攪到鬼死咁認真,裝飾道具都親自整埋嘅狂熱份子,到近年鬼主意乾塘,正所謂才子都有山窮水盡嘅一日,更何況我唔係才子!

對於懶高竇嘅我,除咗唔願意SBC太高調、懶去promote同recruit新會員之外,依家連攪活動嘅傻勁都磨滅埋,再加上社會運動同武肺瘟疫嘅衝擊,我醒覺到主持呢個重任應該已經走到盡頭,係時候應該交由另一位滿腔熱血嘅人去帶領住大家,免得個會沉淪,作為主持人自己嘅情緒會直接或間接影響到整個會嘅氛圍,係香港依家呢段日子,更需要有股新動力光復SBC,傳承就應該係有能者居之。

或者個天都對我不簿,居然響呢個時候,有一個我完全無想像過嘅人撲出嚟,

「Dr.,如果你真係想退落嚟,或者我可以幫手…我唔想無咗SBC呢個地方…」

我明白呢個心情,因為十年前,我都係咁諗。只係當時我並無好似佢咁自動請纓,撲出嚟要求,能夠做到呢一點已經唔容易。

「你知我一直都好尊重你同好撐你,SBC係咁多個sex party groups當中最真正做到純玩樂、唔商業化嘅一個,我唔想見到唯一嘅清泉都無埋…」

雖然佢講到有啲誇張,但能夠從一個走遍香港大大小小parties嘅人口中講出呢番說話,我能夠唔感動咩?

我處理SBC有個宗旨-「Less is more」,只要能夠做到互相尊重,呢度就會係最開放、最無壓力、令大家最開心嘅後樂園。我主觀願望係希望大家同樣明白呢個概念,將來都希望係一樣。

2020.12.05】 係Swinger Bliss Club十二周年紀念嘅大日子,亦係我要正式同大家宣佈我將要同主持人呢個崗位告別嘅日子。我係呢個崗位嘅年頭,一早超出我自己嘅預算。我一向相信,能夠將呢個後樂園傳承落去,係我嘅終極目標,我相信我做到啦。

主持咗接近十年嘅時間,真係可以講句「人生有幾多個十年」,有好多人有好多事,好值得我慢慢回味。

通常啲人退休完無幾耐就去賣咸鴨蛋,我唔會嘅,退而不休係我嘅選擇。大家唔駛傷心,我唔係要拋棄大家,亦唔係要離開大家,只係我需要換過另一個角色,令SBC可以更年輕,更有衝勁咁行落去。

原本12月仲有兩個活動安排咗,但因為疫情又爆過,都好無奈咁要暫停。有會員問我點解唔考慮推遲公佈,過埋第四波疫情,攪埋個周年活動先公佈呢?世事無必然嘅完美,懂得欣賞不完美都係人生嘅一課嚟㗎!我處事向來比較偏向話一就一,話二就二,既然決定咗,就無謂左改右改。

雖然日後我未必每次活動都出現,但話唔定,如果仲有會員想見到我,我會響活動突然撲返出嚟嚇你一跳呢!

至於入會時我對大家會員私隱嘅承諾,我係會繼續堅守呢個承諾,2020年度內入會嘅會員,你哋一切嘅資料、健康申報都會繼續由我管理,未經同意,唔會直接交俾新一屆主持人。到日後有需要嘅時候,會另行發出公告。

我雖然會離開活動主持人呢個崗位,但有關會網、手機app平台日常運作等,我會繼續以「Admin管理員」身份協助會有關嘅操作,例如會網更新、會員改名、reset password等等。

2021.01.01】SBC將會有新嘅Official Telegram account同email account,請務必留意聖誕節後公佈。想繼續出席活動嘅現任會員,到時候必須係Telegram加返呢個Official Telegram account,方便新主持人聯絡,無安裝Telegram嘅會員,請趕快安裝,SBC將唔會再使用WeChat作為通訊平台。

最後最後,

*************************************************************
請大家繼續熱烈支持SBC,同第三任主持人Kush。
*************************************************************

唔怕生壞命,最怕改壞名

唔怕生壞命,最怕改壞名,入會登記改名其實一早已經有指引,但總係都仲成日見到啲唔建議用嘅名。大家入會前可唔可以先留意下先呢?我不厭其煩再再再講多次:-

✅留意用一些簡單易記又讀得出嘅名稱,例如 Peter, Elsa, 朱古力,渠王,CEO, Bomber 等等
❌唔好用真名或疑似真名,例如Alex Chau, Stephen Lai
❌亦唔好用自己社交平台用緊嘅名,避免揭露個人身份
❌code format 例如 joe1228,46709394,AQEIOU。

你登記嘅呢個名將會係你響會入面大家稱呼你嘅名字,所以登記改名大家唔好太求Q其。想改名嘅已登記會員,請到telegram聯絡我。Telegram ID: dr_sbc

多謝合作。

雨後春筍嘅真假性派對群組

Sex parties其實咁多年嚟一直都有好多,各種形形式式嘅都有,不足為奇。最近又收到唔少非會員嘅朋友仔發telegram cap埋圖問我「呢個係咪你哋嚟?」、「呢個係咪假㗎?」,更有啲俾人呃咗幾千蚊之後先搵到我哋。

所謂色字頭上一把刀,如果你問我,我本身就唔係個啲擒擒青嘅人,想當年我加入SBC,由登記到申請做會員經歷咗差不多三個月時間,因為當時SBC有個website連同forum,所以可以俾我慢慢去接觸一下係forum活躍嘅人。有大量留言、活動記錄可以俾我去深入了解到底適唔適合我。

依家響外面借sex party去呃人嘅群組,大多數都係近乎無成本嘅telegram groups。內容都係呢度抄啲,個度抄啲集大成咁,再post啲相引下你咁。你如果信,咁我就希望你好彩無俾人呃啦。我就唔批評其他人啦,反正我又唔知邊啲真邊啲假,所以你即使問我,我都答你唔到。

我唯一可以講嘅就係我哋自己。直至我寫呢篇文嘅時間為止,SBC (Swinger Bliss Club) 係唯一一個:-

1. 擁有自己會網 (包括archived嘅舊會網)

2. 自我研發嘅手機app互動平台

3. Telegram channel (係channel唔係group)

4. 絕對無入會費

5. 絕對唔會預先收取一大筆prepaid費用

6. 每次有活動會向所有活動會員公佈活動費用,餐飲餐食餐餐清

7. 成為活動會員前必須完成及通過性健康檢查 (檢查項目可以去telegram channel t.me/sbchk 細閱)

我唔敢講我哋係最完善嘅sex party group (因為呢個世界唔會有完美),不過大家如果真係有心參加,希望都花少少時間去了解一下你想參加嘅群組,避免誤中騙局。呃咗錢事少,惹到一身病就…….祝君好運!

社會責任

作為一個對所有會員負責任,同對整體公共衛生負責任嘅一個主持人,SBC自一月中已即時停止晒一切活動,直到五月底疫情緩和咗好一段日子,我哋六月初先嚴陣以待咁嘗試重新開始人數較少嘅活動。正當以為一切終於慢慢重回正軌,政府又放寬幾十個免檢疫群組入香港播毒,七月初又出事!令我哋啱啱重開嘅活動又再次暫停落嚟,到今日都未有人可以見到曙光。

我明白好多會員都好痛苦,加加埋埋停咗成半年有多嘅時間,不過我依然認為暫停所以活動係最正確嘅做法。

一來為咗保障會員健康著想,二來唔想有朝一日響報紙見到有sex party群組確診,三來我都希望見到香港可以好快recover返。大家盡可能出多一分力,正所謂,玩少一陣換嚟更長久嘅路。

忍多一陣啦大家!

更新真係好痛苦㗎 Updating is indeed a torture

間唔中都會遇到有啲人加我telegram或者wechat,第一句就問:「你哋仲有運作㗎呵?」

講真,我哋會網又真係更新得唔多嘅,皆因我哋主要係用手機app平台多啲。今時今日,我哋個會網只係淪為新人想入會嘅資訊平台。日常會員傾偈交流,都會去晒我哋自己個手機app平台。所以更新會網純粹只係唔想個會網變咗殭屍網站,哈哈哈哈哈。

至於話要專登出啲相或者出啲文去介紹SBC,真係唔係好有動力。我哋都成立咗成十一年,要寫嘅都寫過晒,太流水帳嘅嘢又唔覺得有乜好寫。

尤其呢大半年香港都未平靜過,正所謂一波未平一波又起,講太多政治嘢又好似唔太適合,講曳曳嘢咩…well,可能我講得太多,有啲悶。至於相,我哋不嬲都唔係主打呢樣嘢,加上好多私隱嘢要照顧,又要注意法律責任。想睇會員自拍嘅話,做咗會員咪有得睇囉!

最近疫情仲未完全緩減落嚟,個個都驚,尤其是越嚟越多集體感染都係因為聚會出事,作為負責任嘅主持人,為免大家冒不必要嘅風險而攪出個大頭佛,sex party當然要暫停一下啦。

不過有興趣加入我哋大家庭嘅你,不妨親呢段“休閒期”去會網細閱一下「加入我們」嘅資訊,有問題可以加我telegram: dr_sbc