SBC 12周年的重要公告 - 《傳承的故事》

2008.12.05】 Swinger Bliss Club呢個後樂園由曹長成立。

2009.08】 某日,係一個極度無聊嘅情況底下,上Google搵下好多年前中環一間叫Fetish Fashion店舖嘅一個女老闆嘅近況,當時佢係通過間舖頭,聚集咗一班對swing party有興趣嘅professionals,呢個亦係我當時接觸嘅第一個swing party group。因為佢以商業手法去營運呢類活動,惹上官非,雖然最後無事,但自始佢就離開咗香港。

因為我當時諗唔起佢個舖頭名,咁我就響Google打”swing party hk”,result無出到我想搵嘅Fetish Fashion,而係出咗幾個香港嘅sex party group嘅results。 就係咁,我斷斷續續用咗大概三個月時候去流覽呢幾個網站。係,你無睇錯,我純粹因為好奇,斷斷續續留意咗呢幾個網站三個月。對於當時已經係身經百戰,逢局必到,但已經厭倦個種刻板應酬消遣嘅我,sex party的確吸引到我注意。

2009.11.04】 我響SBC登記成為壇上會員Seed。
有三個人嘅對話,吸引咗我嚟到SBC,其中一個人叫KKY – 一個我最初以為同YKK有關係嘅女仔 (係呀,YKK造拉鏈個間公司)。自始,我以Seed呢個身份出現係呢個後樂園嘅虛擬世界,即係舊會網個forum。

2009.11.11】 會員私竇區【Dr. One-Line Abalone’s Clinic】開張,開始咗我同大家文字交流嘅序幕。

登記個時,我以為login name同alias係分開嘅,點知原來login name就即係alias,所以 “Dr. Oneline Abalone 鮑一線博士“ 呢個原本我諗住用嘅alias就只可以通過會員私竇區同大家見面。

我同所有新人嘅經歷基本都一樣,雖然我身經百戰,蒲精托世,但去到一個新地方,一樣重頭再嚟過 – 搭訕、無人理、再搭訕、搵大家有興趣嘅話題、開始有交流、開始熟絡。

我亦的起心肝交申請表,然後無了期咁等…….

當時“診所”慢慢聚集咗一大班想同我一齊玩role play嘅傻佬同傻妹;咸濕俏秘書、陽具治療師、分心治療師、呻吟音樂治療師、什麼東東護士、各式各樣治療師等等,一大堆會員諗埋啲古靈精怪嘅職稱,希望加入鮑一線診所成為診所一員。

直至由舊forum轉新手機app平台為止,Clinic一共有1,389頁34,717個留言,成為舊forum第二多留言嘅地方。

2010.01.15】 Seed第一份嘅動後感《同HIV tester 的口交報告》。係呀,相隔咗好耐先第一次出席活動,我仲以為SBC嫌棄我添。又或者當時曹長諗:「反正個會要人,就俾呢條粉皮嚟夾下錢啦!」。至於事實係咪咁,將會永遠係個瞇!

我響SBC嘅參與,網上比實際活動多好多,同大家嘅“友情”,主要都係通過文字建立嘅,當然經過每一次活動嘅出席,呢份“友情”就再牢固多啲啦。

動後感係一個好好嘅途徑去加深會員間嘅“友情”。我慢慢將我以前同入SBC之前認識嘅另一班網友個種寫文章嘅手法同風格帶入咗SBC。一時間成為咗一種風氣,大家除咗會追文之外,仲會鬥快寫,鬥風格,好熱鬧,好開心,大家都將活動嘅歡樂同興奮延續到活動後嘅一大段時間。呢個亦都係我最鍾意嘅玩樂模式,因為除咗活動中肉體嘅滿足之外,活動後都仲可以延續精神上嘅滿足。

呢段期間,認識到一班同樣好玩得亦好寫得嘅會員,後樂園嘅環境係我心目中就形成咗。

2011.06.01】標誌住Swinger Bliss Club第一次轉換活動主持人嘅日子。第一次聽到曹長要放手,除咗可惜,就只有可惜,隨之而想到嘅就係呢個後樂園點算?

唔知咩原因,抑或機緣巧合,出於想保留呢個後樂園,我最後答應咗接手繼承曹長嘅衣缽。的確,對於SBC呢個後樂園,我係有一份愛惜,我相信係因為呢度嘅人同概念。

轉個眼,SBC隨住我想要嘅理念同環境發展,主持人呢個崗位我已經去到第十個年頭嘅一半。時間原來真係可以過得咁快。

我由一個滿腔熱血,連攪主題活動都攪到鬼死咁認真,裝飾道具都親自整埋嘅狂熱份子,到近年鬼主意乾塘,正所謂才子都有山窮水盡嘅一日,更何況我唔係才子!

對於懶高竇嘅我,除咗唔願意SBC太高調、懶去promote同recruit新會員之外,依家連攪活動嘅傻勁都磨滅埋,再加上社會運動同武肺瘟疫嘅衝擊,我醒覺到主持呢個重任應該已經走到盡頭,係時候應該交由另一位滿腔熱血嘅人去帶領住大家,免得個會沉淪,作為主持人自己嘅情緒會直接或間接影響到整個會嘅氛圍,係香港依家呢段日子,更需要有股新動力光復SBC,傳承就應該係有能者居之。

或者個天都對我不簿,居然響呢個時候,有一個我完全無想像過嘅人撲出嚟,

「Dr.,如果你真係想退落嚟,或者我可以幫手…我唔想無咗SBC呢個地方…」

我明白呢個心情,因為十年前,我都係咁諗。只係當時我並無好似佢咁自動請纓,撲出嚟要求,能夠做到呢一點已經唔容易。

「你知我一直都好尊重你同好撐你,SBC係咁多個sex party groups當中最真正做到純玩樂、唔商業化嘅一個,我唔想見到唯一嘅清泉都無埋…」

雖然佢講到有啲誇張,但能夠從一個走遍香港大大小小parties嘅人口中講出呢番說話,我能夠唔感動咩?

我處理SBC有個宗旨-「Less is more」,只要能夠做到互相尊重,呢度就會係最開放、最無壓力、令大家最開心嘅後樂園。我主觀願望係希望大家同樣明白呢個概念,將來都希望係一樣。

2020.12.05】 係Swinger Bliss Club十二周年紀念嘅大日子,亦係我要正式同大家宣佈我將要同主持人呢個崗位告別嘅日子。我係呢個崗位嘅年頭,一早超出我自己嘅預算。我一向相信,能夠將呢個後樂園傳承落去,係我嘅終極目標,我相信我做到啦。

主持咗接近十年嘅時間,真係可以講句「人生有幾多個十年」,有好多人有好多事,好值得我慢慢回味。

通常啲人退休完無幾耐就去賣咸鴨蛋,我唔會嘅,退而不休係我嘅選擇。大家唔駛傷心,我唔係要拋棄大家,亦唔係要離開大家,只係我需要換過另一個角色,令SBC可以更年輕,更有衝勁咁行落去。

原本12月仲有兩個活動安排咗,但因為疫情又爆過,都好無奈咁要暫停。有會員問我點解唔考慮推遲公佈,過埋第四波疫情,攪埋個周年活動先公佈呢?世事無必然嘅完美,懂得欣賞不完美都係人生嘅一課嚟㗎!我處事向來比較偏向話一就一,話二就二,既然決定咗,就無謂左改右改。

雖然日後我未必每次活動都出現,但話唔定,如果仲有會員想見到我,我會響活動突然撲返出嚟嚇你一跳呢!

至於入會時我對大家會員私隱嘅承諾,我係會繼續堅守呢個承諾,2020年度內入會嘅會員,你哋一切嘅資料、健康申報都會繼續由我管理,未經同意,唔會直接交俾新一屆主持人。到日後有需要嘅時候,會另行發出公告。

我雖然會離開活動主持人呢個崗位,但有關會網、手機app平台日常運作等,我會繼續以「Admin管理員」身份協助會有關嘅操作,例如會網更新、會員改名、reset password等等。

2021.01.01】SBC將會有新嘅Official Telegram account同email account,請務必留意聖誕節後公佈。想繼續出席活動嘅現任會員,到時候必須係Telegram加返呢個Official Telegram account,方便新主持人聯絡,無安裝Telegram嘅會員,請趕快安裝,SBC將唔會再使用WeChat作為通訊平台。

最後最後,

*************************************************************
請大家繼續熱烈支持SBC,同第三任主持人Kush。
*************************************************************

加強自身免疫力

自從2015年開始實行四項性健康檢查年檢之後,就有唔少會員或有興趣入會嘅人問我,

「我留意到萬一中咗疱疹二型同HPV都好似無藥食個喎,咁點算呀?」

的確,疱疹二型嘅指數如果超過一個指標水平,就代表住傳染性比較高,同時驗出positive並唔代表會有表面徵狀。至今,疱疹二型未有根治藥物,只能夠靠自身免疫力。

另外,近年經常談論嘅HPV,暫時發現一共有三十幾種,至於目前嘅疫苗只能防止當中嘅9種容易導致子宮頸癌嘅種類。未打疫苗嘅男女,我係鼓勵大家去打嘅,保護自己亦保護自己心愛嘅人。

HPV同疱疹二型一樣,都未有根治嘅藥物,全靠自身免疫力。咁係咪中咗HPV,咁就一世呢?

首先HPV分兩類,高危同低危類別。其中一項低危類別而又比較多人認識嘅,就係【性病疣】,俗稱【椰菜花】。但其他種類嘅HPV,其實大部份都係無表徵嘅,但有機會發生細胞變異而令女性出現子宮頸癌。

今日一次過同大家分享一啲我收集嘅資訊,等大家了解多少少,免得有不必要嘅誤解同擔憂。

自身免疫力係咪一定可以根治疱疹同HPV?唔一定。

憑自身免疫力醫治係無醫學認證嘅,無醫學報告跳出嚟拍心口話自身免疫力可以治癒疱疹同HPV,但係的確有個案出現疱疹同HPV都有“自動消失”嘅情況。咁到底係檢測嘅技術問題定係咩其他原因,我都答你唔到。

所以,我哋自己可以做嘅,就係做好自己,有疫苗打疫苗,無疫苗就加強自身免疫力,當然最最重要,就係保護好自己。

今日同大家分享一下有咩補充營養素可以加強自身免疫力,以供大家參考。希望做到,「無病強身,有病自療」嘅效果。記住,僅供參考,我唔係要賣廣告。

提升免疫力營養素參考:

  • 硒質維他命E
  • 維他命C
  • 胡蘿蔔素
  • 奧米加3
  • Q10

有興趣,可以自己Google一下,各補充營養素嘅功效同食用份量。

祝大家健健康康,性福美滿。

Dream comes true

廿年前因為Tom Cruise同Nicole Kidman呢對金童玉女入場睇《大開眼界》,其中一個畫面喺當時係好震撼同成為我將來參加sex party嘅主要原因!場景係一個古堡入面,所有權貴同女士都帶上威尼斯面具,在古堡內進行多人運動!呢個場面係我嘅FF,將來有機會,會特意安排一晚大部份會員係從未見過面,希望大家都帶上威尼斯眼罩,純粹靠交流,用體態丶語言去吸引對方,保留一份神秘感,幻想嘅空間,而真實面目留待下一次見面先再揭曉!

真正交換伴侶 Real Swingers

孫佳君唔介意玩換妻 - 蘋果新聞

現實中參與交換伴侶活動的,一定是比較開放的一群。但是如果每個人都好像孫佳君所講, 3分想換5分, 5分想換8分, 8分又想換10分,那相信聚會中很難有任何事情發生。而且,相信大部份參與交換伴侶的,都是想另一半能享受不同性愛經驗帶來的歡愉;如果純粹只是想用另一半換來更好的另一位對手,相信應該不是交換伴侶派對的原意,而你的另一半應該也會感受到吧!

唔怕生壞命,最怕改壞名

唔怕生壞命,最怕改壞名,入會登記改名其實一早已經有指引,但總係都仲成日見到啲唔建議用嘅名。大家入會前可唔可以先留意下先呢?我不厭其煩再再再講多次:-

✅留意用一些簡單易記又讀得出嘅名稱,例如 Peter, Elsa, 朱古力,渠王,CEO, Bomber 等等
❌唔好用真名或疑似真名,例如Alex Chau, Stephen Lai
❌亦唔好用自己社交平台用緊嘅名,避免揭露個人身份
❌code format 例如 joe1228,46709394,AQEIOU。

你登記嘅呢個名將會係你響會入面大家稱呼你嘅名字,所以登記改名大家唔好太求Q其。想改名嘅已登記會員,請到telegram聯絡我。Telegram ID: dr_sbc

多謝合作。

雨後春筍嘅真假性派對群組

Sex parties其實咁多年嚟一直都有好多,各種形形式式嘅都有,不足為奇。最近又收到唔少非會員嘅朋友仔發telegram cap埋圖問我「呢個係咪你哋嚟?」、「呢個係咪假㗎?」,更有啲俾人呃咗幾千蚊之後先搵到我哋。

所謂色字頭上一把刀,如果你問我,我本身就唔係個啲擒擒青嘅人,想當年我加入SBC,由登記到申請做會員經歷咗差不多三個月時間,因為當時SBC有個website連同forum,所以可以俾我慢慢去接觸一下係forum活躍嘅人。有大量留言、活動記錄可以俾我去深入了解到底適唔適合我。

依家響外面借sex party去呃人嘅群組,大多數都係近乎無成本嘅telegram groups。內容都係呢度抄啲,個度抄啲集大成咁,再post啲相引下你咁。你如果信,咁我就希望你好彩無俾人呃啦。我就唔批評其他人啦,反正我又唔知邊啲真邊啲假,所以你即使問我,我都答你唔到。

我唯一可以講嘅就係我哋自己。直至我寫呢篇文嘅時間為止,SBC (Swinger Bliss Club) 係唯一一個:-

1. 擁有自己會網 (包括archived嘅舊會網)

2. 自我研發嘅手機app互動平台

3. Telegram channel (係channel唔係group)

4. 絕對無入會費

5. 絕對唔會預先收取一大筆prepaid費用

6. 每次有活動會向所有活動會員公佈活動費用,餐飲餐食餐餐清

7. 成為活動會員前必須完成及通過性健康檢查 (檢查項目可以去telegram channel t.me/sbchk 細閱)

我唔敢講我哋係最完善嘅sex party group (因為呢個世界唔會有完美),不過大家如果真係有心參加,希望都花少少時間去了解一下你想參加嘅群組,避免誤中騙局。呃咗錢事少,惹到一身病就…….祝君好運!

社會責任

作為一個對所有會員負責任,同對整體公共衛生負責任嘅一個主持人,SBC自一月中已即時停止晒一切活動,直到五月底疫情緩和咗好一段日子,我哋六月初先嚴陣以待咁嘗試重新開始人數較少嘅活動。正當以為一切終於慢慢重回正軌,政府又放寬幾十個免檢疫群組入香港播毒,七月初又出事!令我哋啱啱重開嘅活動又再次暫停落嚟,到今日都未有人可以見到曙光。

我明白好多會員都好痛苦,加加埋埋停咗成半年有多嘅時間,不過我依然認為暫停所以活動係最正確嘅做法。

一來為咗保障會員健康著想,二來唔想有朝一日響報紙見到有sex party群組確診,三來我都希望見到香港可以好快recover返。大家盡可能出多一分力,正所謂,玩少一陣換嚟更長久嘅路。

忍多一陣啦大家!

唔好錯過「叔•叔」

今時今日好多人唔係睇電視盒就係Netflix,疫情半年嚟,好多大片都被迫改變上映日期。

好多人同我講,話港產片、劇情片個啲都唔駛去戲院睇啦,我曾經都咁覺得過,不過睇下同邊個去睇啦。有啲人鍾意自己一個人去睇戲,我應該唔屬於呢一類人。

一聽片名「叔•叔」,我就即時諗返起圓圓成日咁樣叫我,叫到老晒,所以我特別留意到呢套片。

男同嘅題材其實已經唔係新鮮事物,上咗年紀嘅男同係就係再specific啲,咁到底有咩令佢咁突出呢? 純粹玩Gimmick?

放響我面前有「金都」同「叔•叔」,到底睇邊套先好呢?最後我揀咗後者,因為我好好奇個導演會點樣處理呢一個咁偏咁冷門嘅題材。

結果係,呢幾十蚊簡直值回票價。

如果用「唯美」同「無奈」去形容呢套戲,唔知大家會唔會覺得我誇張咗。

我好欣賞導演處理成套戲嘅手法。有別於一般令人有stereotype嘅感覺。整套戲有好幾個位令我睇到拿住拿住。

中國人傳統對婚姻嘅觀念、對子女嘅愛同照顧、導演對現今男女嘅感慨(包括感情同人生規劃)、社會對非傳統關係嘅睇法同變化,最後係個人嘅愛與欲嘅處理。

人生於世,活係一個群體社會裡面,有好多嘢唔係話想點就點,因為只要一日生活係呢個群體裡面,就會被迫要去跟隨一個”norm”,從外面睇,少不免會覺得好戇居,但係當你置身其中,呢種“選擇”卻又無可奈何。呢個算係“成熟”嘅表現嗎?愛與欲以外,有更大嘅係責任,呢啲係咪就係犧牲小我,完成大我?