No Email Notification! 唔會有電郵通知㗎!

When you register an account on our mobile app, it usually takes a few minutes (or a few hours if I am busy) to be accepted. We will not send you any email notification. All you need to do is to login a few hours later if not minutes. Or if you want to confirm with us, send me a WeChat message. The only time you need email is when you send us your membership application form. See you soon!

當你下載手機app登記戶口之後,其實一般只需等數分鐘(或者幾小時如果我比較忙嘅話)就批核完成。我哋係唔會用email通知你,所以你只需要直接login試下就得。當然如果你想確認一下嘅話,直接微信發個message問我亦可。其實得一樣野你會用email,就係交會員申請表嘅時候。遲下見!

Oh my goodness, it’s Valentine’s Day again!

Valentine’s Day is always a headache – so many Valentines so little time! LOL.

By the way, there is always people (whose mother-tongue is not Cantonese) asking me whether there are foreigners joining our parties. The answer is YES. We welcome people from all races though Cantonese is the majority, we can’t deny it. We are a group found in Hong Kong afterall.

We welcome all Cantonese or English speakers to participate in our mobile app. We even have an instant translation function specifically created for non-Cantonese members, to help them understand what others are talking about. Well, in a multicultural environment, you can’t really force people to write everything in English or in Chinese.

If you are a non-Cantonese member having problems understanding our group, you can start by reading our “Join Us” procedure or add me to your WeChat. I will guide you thru as much as possible.

有圖有真相?

其實即係咁,不時都有人問我:「你有無啲活動相可以睇下?」

相就一定有嘅,打晒格無晒美感個啲囉,因為香港有條<淫褻及不雅物品管制>條例,事緣我哋以往會網不嬲都有「會員自拍 」同「活動相簿」區俾會員登入咗會網之後就可以睇同欣賞,但因為依家會網並唔需要登入,所以即使放相,都只可以放啲正經啲或者打格打到毛都見唔到條嘅相,否則好容易會俾一班站係道德高地嘅朋友告發,話我哋係公眾地方發佈不雅及淫褻物品,隨時監都有得坐,據聞十年前都有人中過招,有見及此,要睇啲甜啲嘅相,你只可以成為活動會員後,響我哋手機app入面睇。

另外,有別於其他相類似嘅組織,我哋的確係無咁鍾意影相,我作為SBC話事人,我都係由普通會員開始,我唔希望活動其間俾人影相,一來令我分心,二來即使話唔影樣或者會做後期打格,都始終會有啲擔心;大家嚟party玩,求嘅係輕鬆、無拘無束咁嚟享受性愛帶嚟嘅歡愉同刺激,所以我哋一般會係有costumes嘅主題活動先影下相,務求大多數時間,都可以俾會員輕輕鬆鬆咁享受活動。

當然,我唔排除有會員係特別鍾情於影相拍片,呢一類會員,我哋會另外作出安排。不過講到尾,會員嘅私隱同安全,永遠凌駕一切,唔會妥協。

與此同時,我哋會盡量放返多少少唔會犯法例嘅相上會網,滿足一下好奇嘅大家。

2019 繼續我們的後樂園

終於結束咗用咗十年嘅BBS論壇,依家呢個全新嘅會網盡量以簡潔為主,希望為有興趣加入我哋呢個sex party group嘅朋友提供最基本嘅資訊。

日後會網只會有我與及一眾被邀請會員成為會網資訊嘅bloggers。所有會員聊天,動後感,活動時間表,會員自拍都只可以通過我哋手機app先可以access到。

如果對安裝手機app有疑難嘅朋友,可以通過Telgram (host_sbc) 直接同我聯絡。

舊會員要access手機app上嘅資料,都必須係手機app重新登記同審批。

2019我哋繼續保持一個輕鬆,好玩,無多餘壓力嘅後樂園!大床見!?

New Era – SBCHK Mobile App

SBCHK可能係香港第一個擁有自己自家製手機app嘅sex party group!Oh yeah!

相信大家都聽過最老土個句「舊嘅唔去,新嘅唔黎」,上年我已經預告過手機apps將會慢慢取代網上BBS論壇,呢個trend當然無改變過,而我地原先計劃嘅手機app亦遇到一啲阻滯。最初版原先諗住係網上論壇同手機app並行,但最後結果係未面世就被推翻咗,所以計劃一直未能如期實行。

但係只要心不死,事情總會有成功既一日。

SBCHK mobile app嘅測試已經進行得如火如荼,多謝大家嘅參與,希望手機app嘅功能係推出既時候,可以盡善盡美,相比係網上論壇有過之而無不及嘅功能。

無錯,係剛剛一次嘅活動上,我哋正式宣佈左SBCHK首個手機app嘅測試版面世啦!有份出席而又方便嘅會員,已經被邀請加入成為首批亦可能係唯一一批嘅測試員。

SBCHK網上BBS論壇嘅日子已經開始倒數緊,手機app嘅推出將標誌住網上論壇嘅光榮結束。所有留言、文章同相片將一直保留在archive,不會遷移到手機app。至於會員戶口安排,我地仍然在商議當中,到有更進一步嘅消息,會同大家交代。(其實我係偏向於重新登記,順便可以解決所有幽靈戶口,太多cd-rom)

最後,當然要衷心多謝幕後勞苦功高嘅Leslie – SBCHK唯一嘅「榮譽會員」。

屬於你們想要的party

之前討論過SBC需要一啲大變動,主持Party主持到有啲疲勞嘅我決定唔想帶住大家沉淪落去,係SBCHK將快十周年嘅同時,我決定要黎一個大變動。

無錯,唔好再好被動咁等我去主持活動,你真係想玩既,點玩法,玩d 咩主題,即管主動向我提出,包括日子、主題、玩法,甚至男女比例。

與其要大家等我迴光返照去舉辦活動,依然熱血嘅你地,就心動不如行動,主動提出主持活動嘅要求,實現屬於你地想要嘅party!

只要你想,盡量幫你安排,大前題係你要有心有力,不管活動幾頻密。以下係你想有屬於你活動所需要符合嘅條件:-

1. 過往參加過活動超過5次。
2. 一直有遵守及尊重會規,與及參與活動嘅會員同工作人員。
3. 男女均可。
4. 需要自己有可執行嘅主題概念。
5. 要負責執行活動計劃。

你有幾想幾時有活動,有幾想有某d主題活動,一概唔成問題,直接Telegram聯絡我,至於安排日子時間、地方、物資、通知會員等等,一概由我負責,你只需要提供初步可執行性方案就可以。活動當日,就梗係由你黎主持啦。

活動會安排除我以外嘅負責人,負責一切緊急事故聯絡,同保管所有會員電話、隨身衣物等。會員聯絡嘅職責依然由我一個人去管理,以保障會員私隱。

由依家開始,唔好問點解仲未見有活動啦,有無活動舉辦就取決於你有幾熱血,同有幾想見到有活動啦!

SBC呢片樂土唔係我一個人嘅,坐言起行啦!

有你嘅參與,就有你想要嘅活動。

給有心攪會的人的善意忠告

我一直都話,玩除左要玩得安全,更加要玩得低調,什麼上電台,上電視,上雜誌報紙做訪問,又認屎認屁,的確係可以一下子達到高效率嘅宣傳效果,吸引到好多無接觸過又好好奇嘅男女去加入,但係大家無注意嘅係,到底係認屎認屁嘅背後有幾多係講一套做一套同換嚟幾多無見光嘅「不幸事件」?

我地成日都話「若要人不知,唔好太低B」!十年前發生過嘅肥皂劇,造就左SBC嘅誕生,十年後肥皂劇又再次上演,歷史不斷重複,當年錯嘅,現今只係變本加厲,係呢個圈子日子淺嘅人唔知,就唔代表事情無發生過,只係好多人都採取事不關己,己不勞心嘅態度。規矩可以不斷改,不斷加直到走火入魔,即使改到幾嚴謹都好,一樣會有涵蓋唔到嘅地方,就係人嘅品格。即使你講到天下無敵都好,去到尾,一切源於「尊重」,係一個性派對組織入面,每位都係成年人,有一定程度嘅常識,知識,同生活智慧。每位都係想有個嘅輕鬆、安心又好玩嘅環境,「Less is more」係一種管理態度,唔需要吹噓自己有幾巴閉,有幾嚴謹。啲人要唔自律,俾你有一千萬條規矩都只係形式。

發生嘅事情本身好似完全唔關我事,但係咁多年嚟(由我接手SBC開始),即使我幾唔八卦都好,都總係會有信息從不同渠道走入我耳仔。由我當八卦聽,聽完就算,到有人借故接觸我,challenge我,起我底,揾我訴苦等等等等。我當時心諗:「玩咋喎,你有你玩,我有我玩,河水不犯井水,駛唔駛呀?傻的嗎?」

再之後暗中中傷,對SBC不盡不實嘅歷史,又有啲九唔搭八嘅人扮想入會同我接觸,又要”教導”我:「唔係咁傾女仔架~~~」。性派對唔好話係香港,係全世界都唔係受大眾所容易接受嘅一個生活態度,仲要「打破傳統」,玩高調?我又心諗:「攪上市咩?」

想高調,但又要威又要戴面具,其實我想話有啲肉酸。我一直都謝絕任何媒體嘅訪問,因為我有正職,啲會員有正職,我地只想有個後樂園可以輕鬆下玩下,唔想冒不必要嘅風險。我作出嘅決定,影響嘅唔止我一個,為自己好勝嘅心,揾會員嘅身份安全嚟博、唔好好保存會員資料、拍人片仲要”唔小心”流左出嚟….仲有太多……唉~~~事情聽一次可能係誤導係虛構,當我接掌左呢六七年嚟,不斷有相同或類似嘅事情,從唔同嘅人身上發生(有我認識同唔認識嘅人),我估有少少智慧嘅人都應該知道有啲問題啦,加上好多仲係當事人而唔係傳聞。

我一向都唔鍾意八卦個會以外嘅野,亦唔鍾意將個D八卦帶入個會,更加唔想批評其他人,令人覺得我地抽人水。但如果涉及SBC會員,甚至整個同類型組織嘅聲譽,即使我幾唔鍾意公開表達意見,都應該起碼俾大家知道我對某啲事嘅睇法。最起碼通過咁樣,可以俾人了解到我以往對會嘅一啲堅持,對呢個後樂園嘅管理態度,對性派對呢類組織嘅見解。

好多人會嫌我太低調,的確可能係過份低調咗少少(呢點我承認係懶嘅),導致好多人都揾唔到SBC,「造成好多人嘅不幸」(大家講笑啫),我會嘗試做多少少架啦。不過,低調唔代表差,少人揾到並唔代表唔存在,有緣份有心嘅,以今時今日資訊發達嘅年代,邊可能揾我哋唔到丫,其實呢個圈子好細架咋!想當年我入SBC之前都知道晒有邊啲其他相同組織啦,好多已經無左,好多歷史悠久,比SBC更早好多年出現添,我入SBC唔係因為呢度最好,只係我花咗一段日子去留意,去嘗試了解,直到我發覺有可能啱傾啱咀形嘅人,先選擇入會。

最後我想講,攪活動嘅人嘅本質同品性好重要,我好欣賞經過咁多年之後,終於有人有勇氣,行出嚟面對「強權」,將冰山一角嘅事件寫出嚟,總算叫做行出咗一步,希望佢喚醒啲幪在鼓裡嘅人,同樣俾到啲勇氣其他受傷害過嘅人行出嚟。雖然事情未必會有滿意嘅結果,亦未必短時間內得到釋懷,但起碼俾人知道”you are not alone”。

而我地作為同類型嘅組織,一直堅持維繫一個care-free同要玩得低調嘅後樂園,希望啲人有心真係想參加任何一個組織抑或群組,都應該花多少少時間去了解,包括我哋呢個群組。狗沖去加入我一向都唔贊成,我哋會網上嘅資料都叫寫得好詳盡下,咁都唔去睇下,了解下,食快餐文化真係去到一個咁嘅地步?如果係,就真係好可悲。

我講咁多,咪以為我講到自己係聖人一樣,我亦有好多缺失,但玩,都要有個品。但我希望他朝一日,我唔會無品到被千夫所指嘅階段。

最後我有一番說話分享俾攪緊會,或者未來想攪會嘅人….

「當攪會變成你生活嘅全部,就係你走火入魔嘅時候。當你用瘟女嚟維繫你嘅”王國”,你就係虛耗緊你人品嘅時候。當你嘗試用更多嘅”規條”去”守護”一個本意係俾人輕鬆自在玩嘅後樂園,就係話俾你聽距離呢個後樂園本意越來越遠,同組織入面啲人自律有問題嘅時候。當你自以為自己係攪會攪得最好嘅時候,要記住唔好自吹自擂,將好勝沖昏咗頭腦,其實無人同你鬥緊,無人同你鬥又何來最呢?當你擁有一身好本領,以為係女都走唔出你嘅手指罅,其實一切都係過眼雲煙。當你以為做過啲咩事未必有人知,咁你就係太天真太傻,上得山多終遇虎呀。當你做得幾唔啱,都總會有人撐你嘅時候,唔好沾沾自喜以為又過到骨,你應該感恩,真心同過去受傷害過嘅人道個歉,然後繼續你嘅王國,繼續歌舞昇平。當你覺得自己好偉大為饑民服務,其實你自己都係一個饑民,只係大家信任你,覺得你有時間,有能力,有誠信同有凝聚力而已。」

致每一位會員的性健康檢查通告


早期由曹長開始時原用每三個月做一次的HIV唾液測試將會完全歷史任務。取而代之的將會係比純粹唾液HIV測試更全面的性健康檢查。

經過一段咨詢期之後,現在公佈性健康檢查所需要的基本項目資料:-

1. 梅毒及愛滋病毒抗體血液化驗
2. 疱疹病毒二型抗體化驗
3. 人類乳頭狀瘤病毒基因測試

以上檢查項目,每位會員必須每一年進行一次。

因為以上檢查項目並不可能於活動場地進行,所以各會員必須自資前往相關醫療機構進行檢測。
1. 有關檢測報告的電子影像圖片(必須包含證明個人身份的資訊),可通過電郵或WeChat提供給主持人 (電子郵箱 :dr_sbc@hotmail.com,Telegram:dr_sbc)與及

2. 帶正本到活動場地核證。

除以上必須檢查項目,以下是一些額外建議:-

1. 女會員亦可考慮加插子宮頸抹片檢測(現階段並非必選檢查項目),因抹片測驗對子宮較具傷害性,無需每半年進行一次,可聽取醫生意見進行適當的覆檢。
2. 為個人著想,男女會員都建議考慮進行HPV抗體注射。
3. 購買適當醫療保險。

是次改革,除了想提升更闊的性健康檢查,更希望會員對於性健康的注重。要知道,只要有任何形式的性生活,都有可能讓自己暴露於性健康危機之中,不管你性生活頻繁與否,大家都應對自己與及身邊的性伴侶負責任。要知道,以上檢查即使每個月進行,都不能夠百分百確保大家,所以安全的性行為是必須的。如各下是性生活較頻繁,性伴侶較多的話,最理想的覆檢時期應設定三個月一次。